Aug 26, 2025 | 15:58 Mühüm hadisələr
Hörmətli Mehriban xanım
Sizi - Azərbaycan Respublikasının Birinci vitse-prezidentini və Birinci xanımını Milli Elmlər Akademiyasının Rəyasət Heyəti və çoxminli kollektivi adından doğum gününüz münasibətilə ürəkdən təbrik edirəm.
Siz Azərbaycan Respublikasının Prezidenti İlham Əliyevin sədaqətli silahdaşı olaraq ölkəmizdə müstəqil dövlətçiliyin, siyasi-ideoloji həmrəyliyin və bütövlüyün, milli mənəvi dəyərlərin daha da inkişaf etdirilməsinə böyük töhfələr bəxş edirsiniz.
Sizin yeni tarixi epoxada Azərbaycanın müstəqil dövlət kimi daha böyük hədəflərə doğru inkişaf etdirilməsi sahəsində göstərdiyiniz böyük təşəbbüslər və davam etdirməkdə olduğunuz böyük dəstək yüksək qiymətə və xüsusi əhəmiyyətə malikdir.
Sizə möhkəm ailə səadəti, cansağlığı və çoxcəhətli fəaliyyətinizdə daha böyük uğurlar arzulayıram.
Doğum gününüz mübarək olsun!
Dərin hörmətlə,
İsa Həbibbəyli
AMEA-nın prezidenti, akademik
www.science.gov.az
